Krutrim : ChatGPT ਤੇ Bard ਨੂੰ ਫਿਰ ਮਿਲੇਗੀ ਸਖ਼ਤ ਟੱਕਰ, Ola ਨੇ ਲਾਂਚ ਕੀਤਾ ਆਪਣਾ AI ਮਾਡਲ, ਜਾਣੋ ਡਿਟੇਲ

ਪਿਛਲੇ ਕੁਝ ਮਹੀਨਿਆਂ ਵਿੱਚ AI ਨੇ ਆਪਣਾ ਦਬਦਬਾ ਕਾਇਮ ਰੱਖਿਆ ਹੈ। ਲਗਭਗ ਸਾਰੀਆਂ ਤਕਨੀਕੀ ਕੰਪਨੀਆਂ ਬਦਲਦੀ ਤਕਨਾਲੋਜੀ ਨੂੰ ਅਪਣਾ ਰਹੀਆਂ ਹਨ ਤੇ ਆਪਣੇ ਗਾਹਕਾਂ ਲਈ ਨਵੇਂ ਅਪਡੇਟਜ਼ ਲਿਆ ਰਹੀਆਂ ਹਨ। ਜਿਵੇਂ ਕਿ ਅਸੀਂ ਜਾਣਦੇ ਹਾਂ OpenAi ਅਤੇ Google ਨੇ ਵੀ ਆਪਣੇ ਏਆਈ ਮਾਡਲ ਪੇਸ਼ ਕੀਤੇ ਹਨ।

ਇਸ ਲੜੀ ਵਿੱਚ Ola ਨੇ ਆਪਣੇ ਗਾਹਕਾਂ ਲਈ ਆਪਣਾ AI ਹੱਲ ਵੀ ਪੇਸ਼ ਕੀਤਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਓਲਾ ਦੇ ਸੀਈਓ ਭਾਵੀਸ਼ ਅਗਰਵਾਲ ਨੇ ਆਪਣੇ ਨਵੇਂ ਪ੍ਰੋਜੈਕਟ Krutrim ਦਾ ਐਲਾਨ ਕੀਤਾ ਹੈ। ਇਸਨੂੰ ਭਾਰਤ ਦੇ ਪਹਿਲੇ ਫੁੱਲ-ਸਟੈਕ AI ਹੱਲ ਵਜੋਂ ਦਰਸਾਇਆ ਗਿਆ ਹੈ ਖਾਸ ਤੌਰ 'ਤੇ ਭਾਰਤ ਤੇ ਭਾਰਤੀਆਂ ਲਈ ਬਣਾਇਆ ਗਿਆ ਹੈ।

ਕੀ ਹੈ Krutrim ?

ਜਿਵੇਂ ਕਿ ਅਸੀਂ ਦੱਸਿਆ ਹੈ ਕਿ ਇਹ ਓਲਾ ਦਾ AI ਹੱਲ ਹੈ ਤੇ ਇਹ ਸੰਸਕ੍ਰਿਤ ਦੇ ਸ਼ਬਦ Krutrim ਤੋਂ ਲਿਆ ਗਿਆ ਹੈ।

ਕੰਪਨੀ ਮੁਤਾਬਕ ਇਹ ਮਾਡਲ ਸਥਾਨਕ ਭਾਰਤੀ ਗਿਆਨ, ਭਾਸ਼ਾਵਾਂ ਤੇ ਡੇਟਾ 'ਤੇ ਬਣਾਇਆ ਗਿਆ ਹੈ। ਇਹ ਮਾਡਲ ਦੋ ਆਕਾਰਾਂ ਵਿੱਚ ਆਵੇਗਾ ਜਿਸ ਵਿੱਚ ਇੱਕ ਬੇਸ ਮਾਡਲ ਅਤੇ ਇੱਕ ਵੱਡਾ ਮਾਡਲ ਸ਼ਾਮਲ ਹੈ। ਆਓ ਇਸ ਬਾਰੇ ਜਾਣਦੇ ਹਾਂ।

ਮਿਲਦੀ ਹਨ ਖ਼ੂਬੀਆਂ

ਮਾਡਲ ਵਿੱਚ 20 ਭਾਰਤੀ ਭਾਸ਼ਾਵਾਂ ਨੂੰ ਸਮਝਣ ਅਤੇ ਮਰਾਠੀ, ਹਿੰਦੀ, ਤੇਲਗੂ, ਕੰਨੜ ਅਤੇ ਉੜੀਆ ਸਮੇਤ 10 ਭਾਰਤੀ ਭਾਸ਼ਾਵਾਂ ਵਿੱਚ ਸਮੱਗਰੀ ਬਣਾਉਣ ਦੀ ਸਮਰੱਥਾ ਹੈ।

ਤੁਸੀਂ ਆਪਣੀ ਆਵਾਜ਼ ਨਾਲ ਇਸ ਮਾਡਲ ਨੂੰ ਸਰਗਰਮ ਕਰ ਸਕਦੇ ਹੋ। ਇਹ ਮਾਡਲ ਲਿਖਤੀ ਅਤੇ ਮੌਖਿਕ ਸੰਚਾਰ ਵਿਚਕਾਰ ਆਸਾਨੀ ਨਾਲ ਬਦਲ ਸਕਦਾ ਹੈ।

GPT ਨੂੰ ਦੇ ਸਕਦਾ ਹੈ ਟੱਕਰ

ਇਹ ਨਵਾਂ ਮਾਡਲ GPT ਦਾ ਮਜ਼ਬੂਤ ​​ਪ੍ਰਤੀਯੋਗੀ ਹੋ ਸਕਦਾ ਹੈ। ਜੇਕਰ ਤੁਸੀਂ ਇਸ ਮਾਡਲ ਦੀ ਵਰਤੋਂ ਕਰਨਾ ਚਾਹੁੰਦੇ ਹੋ ਤਾਂ ਤੁਹਾਨੂੰ ਸਿਰਫ਼ ਵੈੱਬਸਾਈਟ 'ਤੇ ਜਾਣਾ ਹੋਵੇਗਾ ਅਤੇ ਤੁਸੀਂ ਇਸ ਤੱਕ ਆਸਾਨੀ ਨਾਲ ਪਹੁੰਚ ਸਕਦੇ ਹੋ।

ਇਹ ਭਾਰਤ ਦਾ ਪਹਿਲਾ AI ਹੱਲ ਹੈ, ਜੋ ਦੇਸ਼ ਦੀ ਅਰਥਵਿਵਸਥਾ ਤੇ ਸੱਭਿਆਚਾਰ ਦੋਵਾਂ ਨੂੰ ਜੋੜਦਾ ਹੈ।