WhatsApp ਚੈਨਲ 'ਤੇ ਆਪਣੀ ਆਵਾਜ਼ 'ਚ ਭੇਜ ਸਕੋਗੇ ਹੁਣ ਮੈਸੇਜ, ਜਲਦ ਆ ਰਿਹਾ ਹੈ ਐਪ 'ਤੇ ਨਵਾਂ ਫੀਚਰ

WhatsApp ਨੇ ਹਾਲ ਹੀ ਵਿੱਚ ਆਪਣੇ ਯੂਜ਼ਰਜ਼ ਲਈ ਚੈਨਲ ਦੀ ਸਹੂਲਤ ਪੇਸ਼ ਕੀਤੀ ਹੈ। ਵਟਸਐਪ ਚੈਨਲ ਦੇ ਜ਼ਰੀਏ, ਕਿਸੇ ਖਾਸ ਕੰਮ ਨਾਲ ਜੁੜੇ ਲੋਕ ਆਪਣੇ ਫਾਲੋਅਰਜ਼ ਨਾਲ ਇਕ ਗਰੁੱਪ ਦੇ ਜ਼ਰੀਏ ਜੁੜੇ ਰਹਿ ਸਕਦੇ ਹਨ। ਬਹੁਤ ਜਲਦੀ ਹੀ ਵਟਸਐਪ ਯੂਜ਼ਰਜ਼ ਚੈਨਲ 'ਤੇ ਫਾਲੋਅਰਜ਼ ਦੇ ਮੈਸੇਜ ਦਾ ਜਵਾਬ ਆਪਣੀ ਆਵਾਜ਼ ਨਾਲ ਦੇ ਸਕਣਗੇ।

ਆਪਣੀ ਆਵਾਜ਼ 'ਚ ਵਟਸਐਪ ਚੈਨਲ 'ਤੇ ਕਰ ਸਕੋਗੇ ਮੈਸੇਜ

ਦਰਅਸਲ, Wabetainfo ਦੀ ਇੱਕ ਤਾਜ਼ਾ ਰਿਪੋਰਟ ਸਾਹਮਣੇ ਆਈ ਹੈ। ਇਸ ਰਿਪੋਰਟ ਦੇ ਅਨੁਸਾਰ ਕੰਪਨੀ ਜਲਦ ਹੀ WhatsApp ਚੈਨਲ ਲਈ ਕੁਝ ਨਵੇਂ ਫੀਚਰ ਲਿਆਉਣ ਜਾ ਰਹੀ ਹੈ।

ਵਟਸਐਪ ਚੈਨਲ 'ਤੇ ਨਵੇਂ ਫੀਚਰਜ਼ ਦੇ ਨਾਲ ਵਾਇਸ ਮੈਸੇਜ ਭੇਜਣ ਦੀ ਸੁਵਿਧਾ ਉਪਲੱਬਧ ਹੋਣ ਜਾ ਰਹੀ ਹੈ। Wabetainfo ਦੀ ਇਸ ਰਿਪੋਰਟ ਵਿੱਚ ਵਟਸਐਪ ਚੈਨਲ ਦੇ ਇਸ ਨਵੇਂ ਫੀਚਰ ਬਾਰੇ ਇੱਕ ਸਕਰੀਨਸ਼ਾਟ ਵੀ ਸ਼ੇਅਰ ਕੀਤਾ ਗਿਆ ਹੈ।

ਫਾਲੋਅਰਜ਼ ਨਾਲ ਬਿਹਤਰ ਹੋਵੇਗਾ ਇੰਰੈਕਸ਼ਨ

ਵਰਤਮਾਨ ਵਿੱਚ, ਇੱਕ ਚੈਨਲ ਨਿਰਮਾਤਾ ਨੂੰ ਵਟਸਐਪ ਚੈਨਲ ਰਾਹੀਂ ਲਿੰਕ, ਵੀਡੀਓ, ਫੋਟੋਆਂ ਭੇਜਣ ਦੀ ਸਹੂਲਤ ਮਿਲਦੀ ਹੈ। ਚੈਨਲ ਨਿਰਮਾਤਾ ਆਪਣੇ ਚੈਨਲ ਵਿੱਚ ਫਾਲੋਅਰਜ਼ ਨਾਲ ਜੁੜਨ ਲਈ ਵਾਇਸ ਮੈਸੇਜ ਨਹੀਂ ਭੇਜ ਸਕਦੇ ਹਨ।

ਨਵੇਂ ਅਪਡੇਟ ਦੇ ਨਾਲ, ਚੈਨਲ ਨਿਰਮਾਤਾਵਾਂ ਨੂੰ ਆਪਣੇ ਚੈਨਲ ਵਿੱਚ ਇੱਕ ਮਾਈਕ੍ਰੋਫੋਨ ਆਈਕਨ ਦਿਖਾਈ ਦੇਵੇਗਾ, ਜਿਵੇਂ WhatsApp ਆਮ ਚੈਟ। ਇਸ ਮਾਈਕ੍ਰੋਫੋਨ ਆਈਕਨ 'ਤੇ ਟੈਪ ਕਰਨ ਦੇ ਨਾਲ, ਹੀ ਕ੍ਰਿਏਟਰ ਆਪਣੇ ਫਾਲੋਅਰਜ਼ ਲਈ ਕਿਸੇ ਨਵੇਂ ਮੈਸੇਜ ਜਾਂ ਰਿਪਲਾਈ ਲਈ ਆਪਣੀ ਆਵਾਜ਼ ’ਚ ਮੈਸੇਜ ਕਰ ਸਕਣਗੇ।

ਕਿਹੜੇ ਯੂਜ਼ਰਜ਼ ਕਰ ਸਕਦੇ ਹਨ ਨਵੇਂ ਫੀਚਰ ਦੀ ਵਰਤੋਂ

ਵਟਸਐਪ ਦਾ ਨਵਾਂ ਫੀਚਰ ਐਂਡ੍ਰਾਇਡ ਬੀਟਾ ਅਪਡੇਟ 'ਚ ਦੇਖਿਆ ਗਿਆ ਹੈ। ਐਪ ਦੇ ਐਂਡ੍ਰਾਇਡ ਬੀਟਾ ਯੂਜ਼ਰਜ਼ ਇਸ ਫੀਚਰ ਨੂੰ ਲੇਟੈਸਟ ਅਪਡੇਟ (WhatsApp beta for Android 2.23.23.2 update) ਦੇ ਨਾਲ ਵਰਤ ਸਕਦੇ ਹਨ। ਵਟਸਐਪ ਦੇ ਦੂਸਰੇ ਯੂਜ਼ਰਜ਼ ਲਈ ਇਸ ਫੀਚਰ ਨੂੰ ਆਉਣ ਵਾਲੇ ਦਿਨਾਂ ’ਚ ਦੇਖਿਆ ਜਾ ਸਕਦਾ ਹੈ।