ਸੂਰਿਆਕੁਮਾਰ ਯਾਦਵ ਨੇ ਇਸ ਵਜ੍ਹਾ ਕਾਰਨ ਪਾਈ ਸੀ ਸੰਜੂ ਸੈਮਸਨ ਦੀ ਜਰਸੀ, ਮੈਦਾਨ 'ਤੇ ਮਚਾਈ ਸੀ ਸਨਸਨੀ

ਪਹਿਲੇ ਵਨਡੇ 'ਚ ਸੂਰਿਆਕੁਮਾਰ ਯਾਦਵ ਸੰਜੂ ਸੈਮਸਨ ਦੀ ਜਰਸੀ ਪਹਿਨ ਕੇ ਮੈਦਾਨ 'ਤੇ ਉਤਰੇ। ਦਰਅਸਲ ਮੈਚ ਤੋਂ ਪਹਿਲਾਂ ਸੂਰਿਆਕੁਮਾਰ ਨੂੰ ਦਿੱਤੀ ਗਈ ਜਰਸੀ ਆਕਾਰ ਵਿਚ ਛੋਟੀ ਸੀ।

ਜਿਸ ਤੋਂ ਬਾਅਦ ਉਸ ਨੇ ਟੀਮ ਮੈਨੇਜਮੈਂਟ ਤੋਂ ਨਵੀਂ ਜਰਸੀ ਦੀ ਮੰਗ ਕੀਤੀ ਪਰ ਕਿੱਟ ਸਮੇਂ 'ਤੇ ਨਾ ਪਹੁੰਚਣ 'ਤੇ ਉਸ ਨੂੰ ਸੰਜੂ ਦੀ ਜਰਸੀ ਪਾਉਣੀ ਪਈ।

ਜਾਣਕਾਰੀ ਮੁਤਾਬਕ ਬੁੱਧਵਾਰ ਸ਼ਾਮ ਨੂੰ ਟੀਮ ਇੰਡੀਆ ਦਾ ਫੋਟੋ ਸੈਸ਼ਨ ਹੋਣਾ ਸੀ, ਜਿਸ 'ਚ ਸੂਰਿਆਕੁਮਾਰ ਨੂੰ ਵੱਡੇ ਆਕਾਰ ਦੀ ਬਜਾਏ ਮੀਡੀਅਮ ਸਾਈਜ਼ ਦੀ ਜਰਸੀ ਦਿੱਤੀ ਗਈ ਸੀ। ਉਸ ਨੇ ਟੀਮ ਪ੍ਰਬੰਧਨ ਨੂੰ ਇਸ ਨੂੰ ਬਦਲਣ ਲਈ ਕਿਹਾ, ਪਰ ਉਸ ਦੀ ਨਵੀਂ ਕਿੱਟ ਸਮੇਂ ਸਿਰ ਨਹੀਂ ਪਹੁੰਚੀ।

ਦੂਜਾ ਵਨਡੇ ਸ਼ਨੀਵਾਰ ਨੂੰ ਹੋਵੇਗਾ

ਨਿਯਮਾਂ ਮੁਤਾਬਕ ਕੋਈ ਵੀ ਖਿਡਾਰੀ ਜਰਸੀ ਦੇ ਪਿਛਲੇ ਪਾਸੇ ਟੇਪ ਜਾਂ ਕਿਸੇ ਹੋਰ ਚੀਜ਼ ਨਾਲ ਲਿਖਿਆ ਨਾਂ ਨਹੀਂ ਲੁਕਾ ਸਕਦਾ, ਇਸ ਲਈ ਸੂਰਿਆਕੁਮਾਰ ਨੂੰ ਸੈਮਸਨ ਦੇ ਨਾਂ ਵਾਲੀ ਜਰਸੀ ਪਹਿਨ ਕੇ ਖੇਡਣਾ ਪਿਆ। ਉਹ ਸ਼ਨੀਵਾਰ ਨੂੰ ਦੂਜੇ ਵਨਡੇ ਤੋਂ ਪਹਿਲਾਂ ਨਵੀਂ ਜਰਸੀ ਪਾਵੇਗਾ।